Pages

Tuesday, May 4, 2010

உங்களை அறியாமல் உங்கள் உடல் இளைக்க





நண்பர்களே, இப்பதிவு நம்மைபோல் ஒரு அறையில் அடைந்துகிடக்கும் வேலை வேலை என்று ஓடிக் கொண்டிருக்கும் தங்களது உடல் நிலை பற்றி கவலை படாமல் இவ்வுலக ஓட்டத்தில் ஒடும் நம்மை போன்றவர்களின் உடல் நலனை காப்பதற்க்காக எனக்குத் தெரிந்த என்னாலான ஒரு சிறிய அறிவுரையே அல்லது வேண்டுகோளே.

எனது அத்தைமகன் ஒருவர் வெளிநாட்டில் வசிக்கிரார், அவருக்கு ஒருமுறை இருதய அடைப்பும் வந்துவிட்டது, அதற்கு பிறகும் அவர் தனது நலனில் அக்கரை எடுத்துக் கொள்ளாதது எனக்கு வியப்பை ஏற்ப்படுத்தியது அவரது துணைவியார்தான் அவருக்கு மருந்து கொடுத்து அவர் திட்டினாலும் அவர் இஷ்டத்திற்கு வளைந்து கொடுத்து அவருக்கு உதவி வருகிறார்.

இதை ஏன் சொல்கிறேன் என்றால் வெளிநாட்டில் அவரது வேலை பளு அவ்வாறு அவருக்கு, தனது நலனில் அக்கரை எடுத்துக் கொள்ள அவருக்கு போதிய நேரமின்மைதான், உடற்ப்பயிற்ச்சி செய்ய சோம்பல் வேறு என்னதான் செய்வது. இது நம்போன்றவர்களிடையே இந்த சோம்பல் படுபவர்கள் நிறைய பேர் இருக்கிறார்கள்.

சரி விஷயத்திற்க்கு வருவோம், இரு வாரங்களுக்கு முன்னால் வடக்கத்திய நடிகை ஒருவர் ஒரு வார இதழில் உடலை குறைக்க உடற்பயிற்ச்சியோ, காலையில் எழுந்து ஓடவோ, உணவைக் குறைக்கவோ வேண்டியததில்லை BATMITTON என்ற இறகு பந்தாடுங்கள் போதும் என்று சொல்லியிருந்தார்.

அவர் சொல்வது நூற்றுக்கு நூறு சதவிகிதம் உண்மைதான் நான் அதை ஆமோதிக்கிறேன், முதலில் நான் ஒரு விளையாட்டு பிரியன் சிறு வயதில் நம் நாட்டிற்க்கே உரிய கிரிக்கெட், பின்பு வாலிபால், பின்பு இறகுபந்து என்று வந்து தற்ப்போது உங்களுக்கு இறகு பந்தையே நான் ஆழமாக சிபாரிசு செய்கிறேன்.


வயது பாரமில்லை

இறகு பந்தில், எந்த வயதினரும் விளையாடலாம், அதே கிரிக்கெட்டோ, வாலிபாலோ 60 வயதிற்கு பிறகு விளையாடுவதென்பது முடியாதது. ஆனால் இறகு பந்தை விளையாடலாம். நீங்கள் இதை சோதிக்க விரும்பினால் உங்கள் ஊரில் உள்ள இறகு பந்து உள்விளையாட்டரங்கில் சென்று பாருங்கள். எனக்கு தெரிந்து எனது ஊரில் என்னுடன் 65 வயது முன்னால் ஆசிரியர் விளையாடுகிறார், அந்தளவுக்கு அவர் ஓடி விளையாட முடியாவிட்டாலும் நன்றாகவே விளையாடுகிறார் என்று சொல்லலாம்.

குறிப்பாக இங்குள்ள அனைத்து உள் விளையாட்டரங்கிலும் அநேகமாக நடுத்தரவயதைத் தாண்டியவர்கள்தான் விளையாடுகிறார்கள்.

பயன்கள்

உள்விளையாட்டங்கம் என்பதால் நீங்கள் ஒரு ஆட்டம் ஆடினாலே வியற்வை கொட்டும், ஒரு 20வயதிலிருந்து நீங்கள் விளையாடுபவர் என்றால் உங்களுக்கு BP, சர்க்கரை, கொழுப்பு, போன்றவை வருவதற்க்கு வாய்ப்பேயில்லை.

இவ்விளையாட்டில் மிக முக்கியமாக சொல்லவேண்டியது நீங்கள் உடற்பயிற்ச்சியோ, ஓடவோ, சாப்பாட்டை குறைத்தாலோ ஒரு கட்டத்திற்க்கு மேல் நீங்கள் சலிப்படைய வாய்ப்புள்ளது ஆனால் இவ்விளையாட்டில் ஆட ஆடுகளத்திற்க்கு இறங்கினால் அடுத்தடுத்த பந்தை திருப்பி அனுப்புவதற்க்கும் உங்களிடம் வந்த பந்தை உடனே எதிர்ப்பக்கம் இடம் பார்த்து அடிப்பதற்க்கும் வினாடிக்கு வினாடி உங்கள் மூளையும் உங்கள் உடம்பும் உங்களை அறியாமல் வேலை செய்து உங்களை அங்கும் இங்கும் ஓட வைக்கும் விளையாட்டு இது.

அதனால் காலையில் விளையாட்டு உங்களை நாள் முழுவதும் நன்றாக இருப்பீர்கள் அல்லது மாலை ஆடினால் நன்றாக தூக்கம் வருவது உறுதி.

வேண்டியவைகள்

இவ்விளையாட்டு கொஞ்சம் காஸ்ட்லியானது, மிரளவேண்டாம் பேட் 1400ரூபாய், அரைக்கால் டிரவுசர் அல்லது முழு டிரவுசர், SAS என்ற ஒரு shoe காலணி உள்ளது அது 575(காலணி அணியாவிட்டால் கால் வலி வருவது உறுதி), விளையாட்டு உள்ளரங்கில் சேர்வதற்க்கு ஊருக்கு தகுந்தார்போல் வாங்குவார்கள் உதா 1200, மாதம் ஒரு 300 அவ்வளவுதான். இதை தற்போது நடுத்தர மக்களும், அதற்க்கு கீழ் உள்ளவர்களும் கொடுக்க முடியும்.(சண்டைக்கு வராதீர்கள், உங்கள் உடல் நலனுக்குத்தான் சொல்கிறேன்)

சாதாரணமாக கடின உழைப்பாளர்கள் எதைப்பற்றியும் கவலை பட வேண்டாம் அவர்களுக்கு அவர்கள் உழைப்பே போதுமானது. உழைக்க வாய்ப்பில்லாதவர்கள். இதை கடைப்பிடிக்கலாம்.

பொது அறிவிப்பு

நீங்கள் ஒரு இருதய நோயாளியாகவோ, சர்க்கரை நோயாளியாகவோ, வேறு ஒரு நோய்க்கு வைத்தியம் செய்து கொள்பவர்களாக இருந்தால் உங்களது மருத்துவரிடம் ஆலோசனை கேட்டுவிட்டு விளையாட ஆரம்பியுங்கள்.
இதை நீங்கள் வது நபராக வாசிக்கிறீர்கள்

2 comments:

abul bazar/அபுல் பசர் said...

உங்கள் வலைப்பூவின் பெயரே " உலக அமைதி " அழகான பெயரை சூட்டி இருக்கிறீர்கள்.
உடல் இளைக்க தாங்கள் தந்திருக்கும் டிப்ஸ் அருமை.
தொடர்ந்து நல்ல விசயங்களை எதிர்பார்க்கலாம்.

Riyas said...

nice

Post a Comment